Lyd, musikk og teater

Morten Hetland, som er dagleg leiar i Hetland Media, beherskar fleire instrument enn berre datamaskinen. Han er òg lydteknikar, komponist, trubadur, dramaturg og teaterinstruktør. I seinare år har han òg blitt ein racer på produksjon av podkast og innspeling og miksing av musikk.

Hetland medverkar mellom anna som produsent og programleiar for podkastane «Herlige Hjelmeland» (tidlegare «Er du heilt grøn?») og «Kort fortalt» (produsert for Nettskulen.no).

Humor – Herlige Hjelmeland

1. Humor 33:50
2. Eventyr 38:28
3. Musikk 23:06
4. Snipp, snapp, snute… 24:25
5. Livsfjerne svermarar eller grøne realistar? 36:43
6. Politisk rekneskap 38:14
7. Grøn valgomat – del 4 27:20
8. Grøn valgomat – del 3 22:46
9. Grøn valgomat – del 2 30:30

Grenser og samtykke – Kort fortalt

1. Grenser og samtykke 07:11
2. Sex 09:20
3. Porno 07:44
4. Onani 08:21
5. Kroppspress 06:08
6. Pupper 04:06
7. Mensen 06:54
8. Vulva (jentetissen) 05:28
9. Penis (guttetissen) 07:59

Hetland har òg vore komponist og/eller produsent for musikkinnspelingane til Dvaske Menn, Morten Hetland og Niklas Louis Mowinckel.

Teater, show og film

Utanom roller i ymse skuleframsyningar, debuterte Morten på scenen i vaksen alder i «Hjelmelandsrevyen 2011: Kjekt å ha», der han òg var medprodusent og organisatorisk ansvarleg. Elles har han vore skodespelar og/eller instruktør i ei rekkje framsyningar i regi av Hjelmeland Samfunnshus og Teaterlag, Hjelmeland Ungdomsteater og Hjelmeland Teater.

Hausten 2013 tok han over som leiar og instruktør i Hjelmeland Ungdomsteater, som frå og med hausten 2017 fusjonerte med teaterdrifta til Hjelmeland Samfunnshus og Teaterlag, og danna nye Hjelmeland Teater, der han i dag er teatersjef og instruktør.

Morten har òg skrive, sett opp og spelt tre show og to konsertar saman med Fredrik Hausken og Rita Sørensen (MRF Trio), samt fleire show med Dvaske Menn.

Elles har Morten vore trubadur i alt frå konfirmasjon og bryllaup til 50-årsdag og galleriopning. Innimellom opptrer han òg som moromann eller musikar i tospann med Magnar Riveland.